LIVE TV
ਤਾਜ਼ਾ ਖ਼ਬਰਾਂ
ਸ਼ਨਿੱਚਰਵਾਰ, 21 ਨਵੰਬਰ 2026
ਖੇਡ

ਆਈਸੀਸੀ ਵਨਡੇ ਰੈਂਕਿੰਗ: ਅਰਸ਼ਦੀਪ ਸਿੰਘ ਨੇ ਲਗਾਈ 12 ਦਰਜਿਆਂ ਦੀ ਲੰਮੀ ਛਾਲ

ਨਿਊਜ਼ੀਲੈਂਡ ਵਿਰੁੱਧ ਵਧੀਆ ਪ੍ਰਦਰਸ਼ਨ ਸਦਕਾ ਭਾਰਤੀ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਆਈਸੀਸੀ ਵਨਡੇ ਦਰਜਾਬੰਦੀ ਵਿੱਚ 19ਵੇਂ ਸਥਾਨ 'ਤੇ ਪਹੁੰਚ ਗਏ ਹਨ।

Arshdeep Singh smiling in an Indian cricket jersey
ਫ਼ਾਈਲ ਫ਼ੋਟੋ Prime Minister's Office / Wikimedia Commons, GODL-India

ਭਾਰਤੀ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਕੌਮਾਂਤਰੀ ਕ੍ਰਿਕਟ ਕੌਂਸਲ ਦੀ ਤਾਜ਼ਾ ਇਕ ਰੋਜ਼ਾ ਰੈਂਕਿੰਗ ਵਿੱਚ ਵੱਡਾ ਉਛਾਲ ਦਰਜ ਕੀਤਾ ਹੈ। ਨਿਊਜ਼ੀਲੈਂਡ ਵਿਰੁੱਧ ਪੰਜ ਮੈਚਾਂ ਦੀ ਲੜੀ ਵਿੱਚ ਸ਼ਾਨਦਾਰ ਖੇਡ ਵਿਖਾਉਣ ਤੋਂ ਬਾਅਦ ਉਹ 12 ਪੌੜੀਆਂ ਚੜ੍ਹ ਕੇ ਸਾਂਝੇ ਤੌਰ 'ਤੇ 19ਵੇਂ ਸਥਾਨ ਉੱਤੇ ਪਹੁੰਚ ਗਏ ਹਨ।

ਇਸ ਹਫ਼ਤੇ ਗੇਂਦਬਾਜ਼ਾਂ ਦੀ ਸੂਚੀ ਵਿੱਚ ਸਭ ਤੋਂ ਵੱਧ ਪ੍ਰਗਤੀ ਕਰਨ ਵਾਲਿਆਂ ਵਿੱਚ ਅਰਸ਼ਦੀਪ ਸ਼ਾਮਲ ਹਨ। ਇਸ ਸੂਚੀ ਵਿੱਚ ਸਿਖ਼ਰਲਾ ਦਰਜਾ ਅਫ਼ਗਾਨਿਸਤਾਨ ਦੇ ਰਾਸ਼ਿਦ ਖ਼ਾਨ ਕੋਲ ਕਾਇਮ ਹੈ। ਦੂਜੇ ਪਾਸੇ ਕੀਵੀ ਟੀਮ ਦੇ ਪੇਸਰ ਮੈਟ ਹੈਨਰੀ 15 ਦਰਜੇ ਉੱਪਰ ਆ ਕੇ 12ਵੇਂ ਰੈਂਕ 'ਤੇ ਕਾਬਜ਼ ਹੋਏ ਹਨ, ਜਦਕਿ ਉਨ੍ਹਾਂ ਦੇ ਸਾਥੀ ਕਾਈਲ ਜੈਮੀਸਨ 15 ਥਾਵਾਂ ਦੇ ਸੁਧਾਰ ਨਾਲ 45ਵੇਂ ਨੰਬਰ 'ਤੇ ਪੁੱਜ ਗਏ ਹਨ।

ਬੱਲੇਬਾਜ਼ੀ ਦਰਜਾਬੰਦੀ ਵਿੱਚ ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਦੁਨੀਆ ਦੇ ਪਹਿਲੇ ਨੰਬਰ ਦੇ ਬੱਲੇਬਾਜ਼ ਬਣੇ ਹੋਏ ਹਨ।

ਇੰਗਲੈਂਡ ਦੇ ਬੱਲੇਬਾਜ਼ ਟੌਮ ਬੈਂਟਨ ਨੇ 34 ਦਰਜਿਆਂ ਦੀ ਛਾਲ ਮਾਰ ਕੇ ਆਪਣੇ ਕਰੀਅਰ ਦਾ ਸਭ ਤੋਂ ਵਧੀਆ 13ਵਾਂ ਰੈਂਕ ਹਾਸਲ ਕੀਤਾ ਹੈ। ਇਸੇ ਤਰ੍ਹਾਂ ਉਨ੍ਹਾਂ ਦੀ ਟੀਮ ਦੇ ਜੋਅ ਰੂਟ ਮੁੜ ਚੋਟੀ ਦੇ 10 ਖਿਡਾਰੀਆਂ ਵਿੱਚ ਸ਼ਾਮਲ ਹੋ ਕੇ ਨੌਵੇਂ ਨੰਬਰ 'ਤੇ ਆ ਗਏ ਹਨ।