ਬੈਂਕਿੰਗ ਨਾਲ ਜੁੜੇ ਜ਼ਰੂਰੀ ਕੰਮ ਵਾਲੇ ਗਾਹਕਾਂ ਲਈ ਅਹਿਮ ਖ਼ਬਰ ਹੈ। ਅੱਜ ਐਤਵਾਰ, 27 ਸਤੰਬਰ ਨੂੰ Public Sector Banks ਅਤੇ Regional Rural Banks ਆਮ ਦਿਨਾਂ ਵਾਂਗ ਖੁੱਲ੍ਹੇ ਰਹਿਣਗੇ। ਇਹ ਫੈਸਲਾ 28 ਤੋਂ 30 ਸਤੰਬਰ ਤੱਕ ਹੋਣ ਵਾਲੀ ਤਿੰਨ ਦਿਨਾਂ ਦੀ ਦੇਸ਼ਵਿਆਪੀ ਬੈਂਕ ਹੜਤਾਲ ਦੇ ਮੱਦੇਨਜ਼ਰ ਲਿਆ ਗਿਆ ਹੈ, ਤਾਂ ਜੋ ਗਾਹਕਾਂ ਨੂੰ ਲਗਾਤਾਰ ਕਈ ਦਿਨਾਂ ਤੱਕ ਬ੍ਰਾਂਚ ਬੰਦ ਰਹਿਣ ਕਾਰਨ ਪਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ। RBI ਨੇ ਵੀ 27 ਸਤੰਬਰ ਨੂੰ ਬੈਂਕ ਬ੍ਰਾਂਚਾਂ, ਦਫ਼ਤਰਾਂ, ATM-linked branches ਅਤੇ Currency Chests ਨੂੰ ਚਾਲੂ ਰੱਖਣ ਦੀ ਮਨਜ਼ੂਰੀ ਦਿੱਤੀ ਹੈ।
ਅੱਜ ਖੁੱਲ੍ਹੇ ਰਹਿਣ ਵਾਲੇ Public Sector Banks ਵਿੱਚ State Bank of India, Punjab National Bank, Bank of Baroda, Canara Bank ਅਤੇ Union Bank of India ਵਰਗੇ ਬੈਂਕ ਸ਼ਾਮਲ ਹਨ। ਇਸ ਲਈ ਜੇਕਰ ਤੁਹਾਨੂੰ ਚੈੱਕ ਜਮ੍ਹਾਂ ਕਰਵਾਉਣਾ, ਪਾਸਬੁੱਕ ਅਪਡੇਟ ਕਰਵਾਉਣਾ, ਨਕਦੀ ਨਾਲ ਸਬੰਧਤ ਕੰਮ ਜਾਂ ਬ੍ਰਾਂਚ ਵਿੱਚ ਹੋਰ ਕੋਈ ਜ਼ਰੂਰੀ ਕੰਮ ਕਰਵਾਉਣਾ ਹੈ, ਤਾਂ ਅੱਜ ਹੀ ਇਸਨੂੰ ਪੂਰਾ ਕਰਨਾ ਫਾਇਦੇਮੰਦ ਰਹੇਗਾ।
ਦਰਅਸਲ, United Forum of Bank Unions ਯਾਨੀ UFBU ਵੱਲੋਂ 28 ਤੋਂ 30 ਸਤੰਬਰ ਤੱਕ ਤਿੰਨ ਦਿਨਾਂ ਦੀ ਦੇਸ਼ਵਿਆਪੀ ਹੜਤਾਲ ਦਾ ਸੱਦਾ ਦਿੱਤਾ ਗਿਆ ਹੈ। ਯੂਨੀਅਨਾਂ ਦੀਆਂ ਮੁੱਖ ਮੰਗਾਂ ਵਿੱਚ ਪੰਜ ਦਿਨਾਂ ਦਾ ਬੈਂਕਿੰਗ ਵਰਕਿੰਗ ਵੀਕ ਲਾਗੂ ਕਰਨਾ ਅਤੇ Performance-Linked Incentive ਯਾਨੀ PLI ਨਾਲ ਜੁੜੇ ਮੁੱਦੇ ਸ਼ਾਮਲ ਹਨ।
ਹੜਤਾਲ ਦੌਰਾਨ ਬੈਂਕਾਂ ਦੀਆਂ ਬ੍ਰਾਂਚ ਪੱਧਰ ਦੀਆਂ ਕਈ ਸੇਵਾਵਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਹਾਲਾਂਕਿ ATM, UPI, Internet Banking ਅਤੇ Mobile Banking ਵਰਗੀਆਂ ਡਿਜੀਟਲ ਸੇਵਾਵਾਂ ਆਮ ਤੌਰ ’ਤੇ ਉਪਲਬਧ ਰਹਿਣ ਦੀ ਉਮੀਦ ਹੈ। SBI ਸਮੇਤ ਕਈ ਬੈਂਕਾਂ ਨੇ ਵੀ ਗਾਹਕਾਂ ਨੂੰ ਜ਼ਰੂਰੀ ਬੈਂਕਿੰਗ ਕੰਮ ਪਹਿਲਾਂ ਹੀ ਪੂਰੇ ਕਰਨ ਅਤੇ ਹੜਤਾਲ ਦੌਰਾਨ ਡਿਜੀਟਲ ਸੇਵਾਵਾਂ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਹੈ।
ਉੱਥੇ ਹੀ ਕੇਂਦਰ ਸਰਕਾਰ ਅਤੇ ਬੈਂਕ ਪ੍ਰਬੰਧਨ ਵੱਲੋਂ ਯੂਨੀਅਨਾਂ ਨੂੰ ਹੜਤਾਲ ਟਾਲ ਕੇ ਗੱਲਬਾਤ ਰਾਹੀਂ ਮਸਲੇ ਹੱਲ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਫਿਲਹਾਲ 28 ਤੋਂ 30 ਸਤੰਬਰ ਤੱਕ ਹੜਤਾਲ ਦਾ ਸੱਦਾ ਜਾਰੀ ਹੈ, ਜਿਸ ਕਾਰਨ ਗਾਹਕਾਂ ਨੂੰ ਆਪਣੇ ਜ਼ਰੂਰੀ ਬ੍ਰਾਂਚ ਵਾਲੇ ਕੰਮ ਪਹਿਲਾਂ ਹੀ ਨਿਪਟਾਉਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।