ਏਸ਼ੀਅਨ ਗੇਮਸ ਵਿੱਚ ਭਾਰਤ ਨੇ ਇੱਕ ਹੋਰ ਸੋਨ ਤਗਮਾ ਆਪਣੇ ਨਾਮ ਕਰ ਲਿਆ ਹੈ। ਗੋਲਫ ਦੇ ਵੂਮੈਨਜ਼ ਸਟ੍ਰੋਕ ਪਲੇਅ ਮੁਕਾਬਲੇ ਵਿੱਚ ਪ੍ਰਣਵੀ ਉਰਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਗੋਲਡ ਮੈਡਲ ਜਿੱਤਿਆ ਹੈ। ਪ੍ਰਣਵੀ ਨੇ ਚਾਰ ਰਾਊਂਡਾਂ ਵਿੱਚ 15-ਅੰਡਰ 265 ਦਾ ਸਕੋਰ ਦਰਜ ਕੀਤਾ।
ਇਸ ਸੋਨ ਤਗਮੇ ਦੇ ਨਾਲ ਪ੍ਰਣਵੀ ਉਰਸ ਏਸ਼ੀਅਨ ਗੇਮਸ ਵਿੱਚ ਗੋਲਡ ਮੈਡਲ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਗੋਲਫਰ ਬਣ ਗਈ ਹੈ। ਇਸ ਤੋਂ ਪਹਿਲਾਂ 17 ਸਾਲਾ ਤੀਰਅੰਦਾਜ਼ ਕੁਮਕੁਮ ਮੋਹੋਦ ਨੇ ਰਿਕਰਵ ਮਹਿਲਾ ਵਿਅਕਤੀਗਤ ਮੁਕਾਬਲੇ ਵਿੱਚ ਸੋਨ ਤਗਮਾ ਜਿੱਤ ਕੇ ਇਤਿਹਾਸ ਰਚਿਆ ਸੀ। ਉਹ ਇਸ ਮੁਕਾਬਲੇ ਵਿੱਚ ਗੋਲਡ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣੀ।
ਭਾਰਤ ਨੇ ਅੱਜ ਕੁੱਲ ਚਾਰ ਮੈਡਲ ਆਪਣੇ ਨਾਮ ਕੀਤੇ ਹਨ। ਇਨ੍ਹਾਂ ਦੇ ਨਾਲ ਹੀ ਭਾਰਤ ਦੇ ਏਸ਼ੀਅਨ ਗੇਮਸ ਵਿੱਚ ਕੁੱਲ ਮੈਡਲਾਂ ਦੀ ਗਿਣਤੀ 80 ਹੋ ਗਈ ਹੈ। ਭਾਰਤ ਮੈਡਲ ਟੇਬਲ ਵਿੱਚ 5ਵੇਂ ਸਥਾਨ ’ਤੇ ਹੈ।